WOMEN 's mantal disorder should be recognised , Please

خواتین کے زہنی عارضوں کو تسلیم کیجیے 

 ہمارے سماج میں اکثر و بیشتر  لڑکیوں اور خواتین   ذہنی بیماری کو آسیب کا شاخسانہ قرار دے کر پیروں اور فقیروں کے پاس  لے کر  جانے کا رواج پایا جاتا ہے، یہ نہیں سوچا جاتا کہ اِسے کوئی ذہنی عارضہ بھی ہوسکتا ہے

دراصل ہمارے سماج میں ذہنی بیماریوں کو  بیماری تصور نہیں کیا جاتا اور اگر اس میں کوئی مبتلا ہوجائے، تو فوراً عاملوں وغیرہ سے ہی رجوع کیا جاتا ہے۔ بدقسمتی کی انتہا دیکھیے کہ اگر انہیں ڈاکٹر کے پاس جانے کا مشورہ دیا جائے، تو اسے انتہائی ناگواری سے رد کر دیا جاتا ہے اور اتنی نکتہ چینی کی جاتی ہے کہ پھر اگلے کا حوصلہ ہی نہیں ہوتا کہ وہ دوبارہ کسی کو اس طرح کا مشورہ دے سکے۔

میں سوچتی ہوں کہ، کیا برصغیر کے سماجوں میں اس قدر خوب صورتی پائی جاتی ہے کہ جنوں کو ساری دنیا چھوڑ کر ایشیاء کی لڑکیوں میں دل چسپی ہوتی ہے؟ یا پھر یہ جن بھوت اتنے ’فارغ‘ ہیں کہ ان کا بس یہی کام رہ گیا ہے۔

ذہنی مسائل کے حوالے سے کسی ’عامل‘ کے پاس جانے میں بھی اچھا خاصا خرچ آجاتا ہے، یعنی یہ بھی کوئی آسان اور سستا عمل نہیں ہے، اس پر بھی اتنے ہی روپے لگ جاتے ہیں، جتنے کسی مستند ’سائیکائٹرسٹ‘ کے پاس صرف ہوتے ہیں، لیکن یہ ہماری توہم پرستی ہی ہے، جو ہمیں ڈاکٹر کی نسبت کسی عامل کے پاس لے جاتی ہے۔

 یہاں  ہمارا وقت، پیسہ، صحت، عزت سب برباد ہو جاتا ہے، مگر مسئلہ پھر بھی حل نہیں ہوتا، بلکہ یہ مزید خرابی کی طرف ہی بڑھتا چلا جاتا ہے

یہ صرف توہم پرستی نہیں، بلکہ ہماری ذہنی خلفشار، فکری بحران، اور عدم تحفظ کے احساس کا ثبوت بھی ہے اور اس کا شکار سب سے زیادہ ہماری عورت ہے، کیونکہ کسی کو پسند کرنے، من چاہی شادی، اپنا گھر ٹوٹنے سے بچانے، وارث نہ دے سکنے کے جرم میں خاوند کی دوسری شادی تعویزوں سے رکوانے تک جیسے سارے معاملات میں صرف عورت کو ہی سمجھوتا کرنا ہوتا ہے۔ 

یہ صرف ان پڑھ عورت کا مسئلہ نہیں، بلکہ بہت سی پڑھی لکھی خواتین بھی اس ’مرض‘ میں مبتلا ہیں اور جہالت کا یہ سفر کسی جگہ رکتا ہوا محسوس نہیں ہوتا۔

بعض ماہرین کے بقول صنف نازک کی اس کیفیت کی ایک وجہ انہیں زندگی میں نظرانداز کیا جانا بھی ہوتا ہے، اسی لیے شاید آپ نے بھی غور کیا ہو کہ جن خاندانوں میں صحت مند سرگرمیاں اور اچھا ماحول موجود ہو، جہاں بات کرنے سے پہلے بات سنی بھی جاتی ہو، سمجھی جاتی ہو، وہاں پر کبھی سننے میں نہیں آیا کہ کسی عورت پر آسیب کا سایہ ہو گیا ہو۔

یہ  گھٹن زدہ اور جہالت کے سایے میں پروان چڑھتے رویوں کو سہتے سہتے جب ایک خاتون یا لڑکی آنکھیں گھما کر مردانہ آواز میں بولتی ہے تو سامنے والوں کو اپنے ردعمل سے خوف زدہ اور جھکا ہوا پاتی ہے، اس وقت جب اس کے حکم کی بجاآوری کی جاتی ہے، تو اسے لاشعور میں ایک تحفظ کا احساس ہوتا ہے۔

 اسے لگتا ہے کہ اس کی اس شخصیت کو نہ صرف تسلیم کیا جا رہا ہے، بلکہ اس کی آنے والی زندگی کی بقا بھی اسی میں ہے، لیکن کیا  اس طرح سے گھر کا سکون دائمی طور پر حاصل کیا جا سکتا ہے؟

کیا اس طرح سے خاندان کے افراد کے درمیان فاصلے کم کیے جا سکتے ہیں؟ ہر گز نہیں، کیوں کہ نقصان جلد یا بدیر عورت کا ہی ہوتا ہے 

ایسی خواتین کو زیادہ دیر تک برداشت کیا جاتا ہے نہ ان کے ساتھ رہا جاتا ہے۔

دوسری طرف اس کی انتہائی صورت ہوتی ہے، جب وہ کسی ذہنی عارضے کی انتہا پر ہوں، جس میں وہ خود کو یا دوسروں کو نقصان پہچانے جیسے افعال کا ارتکاب کرنے لگیں،تو یہ سمجھا جاتا ہے کہ اس پر کوئی جن وغیرہ آ گیا ہے

 لیکن سوال یہ ہے کہ فوراً یہ کیوں تسلیم کر لیا جاتا ہے کہ لڑکی پر جن یا آسیب کا سایہ ہے؟ کیا ذہنی بیماری نہیں ہو سکتی،کہ جس کے علاج کے لیے سنجیدہ طور پر کوشش کی جانی چاہیے؟ کیا اسے بند کمرے میں عامل کے حوالے کر دینا درست عمل ہے؟

دیگر ذہنی بیماریوں کی طرح ’شیزوفرینیا‘ یا ’ہسٹریا‘ کو بیماری سمجھ کر اس کا بروقت علاج کراونے میں سنجیدہ پیش رفت کیوں نہیں دکھاتے؟

ذہنی بیماروں کے لیے ہم ’لبِ سڑک‘ کھولے گئے کھوکھوں میں بیٹھے ہوئے ان نام نہاد عاملوں پر ہی کیوں اتنا بھروسا کر جاتے ہیں کہ بے تحاشا پیسے کے ضیاع کے بعد بھی یہ نہیں سمجھتے کہ یہ شعبدے بازی کے سوا کچھ بھی نہیں۔

عام طور پر لوگ ان علامات سے نہ تو واقف ہوتے ہیں اور نہ ہی اسے مانتے ہیں اور بدقسمتی سے اس طریقہ علاج سے مطمئن بھی نہیں ہوتے، کیوں کہ ہم میں سے ہر کوئی اپنے مریض کو جلد صحت یاب ہوتا دیکھنا چاہتا ہے، لیکن بعض پیچیدہ اور پرانے مرض کے علاج میں سالوں بھی لگ سکتے ہیں جس کے لیے مریضہ کے گھر والے ذہنی طور پر تیار نہیں ہوتے اور ’شارٹ کٹ‘ اختیار کرنے کی کوشش کرتے ہیں، جس میں ان کے مریض کے لیے صرف بربادی ہوتی ہے۔

یہ وہ ذہنی بیماریاں ہیں جن کا علاج کسی دماغی امراض کے ماہر ڈاکٹر کے پاس بروقت لے جانے سے ہی حل ہو سکتی ہیں، لیکن بدقسمتی سے جب تک ہمیں یہ بات سمجھ میں آتی ہے اس وقت تک بہت دیر ہو چکی ہوتی ہے۔

💚

hamaray samaaj mein aksar o besh tar larkiyon aur khawateen ki zehni bemari ko asaib ka shaksana qarar day kar peeron aur faqeero ke paas le jane ka rivaaj paaya jata hai, yeh nahi socha jata ke isay koi zehni aarzah bhi ho sakta hai .

darasal hamaray samaaj mein zehni bimarion ko bemari hi tasawwur nahi kya jata aur agar is mein koi mubtala hojaye, to foran aamlon se hi rujoo kya jata hai.

 Bad qismati ki intahaa dekhieye ke agar inhen doctor ke paas jane ka mahswara diya jaye, tou usay intehai nagwari se radd kar diya jata hai aur itni nuqta cheeni ki jati hai ke phir aglay ka hosla hi nahi hota ke woh dobarah kisi ko is terhan ka mahswara day sakay .

Mein sochti hon ke, kya bar e sagheer (SUB CONTINENT) ke SAMAJ mein  is qader khoob soorti payi jati hai ke jn, bhoot saari duniya chore kar Asia ki larkiyon mein dil chasp laty hn?

 ya phir yeh jin bhoot itnay' farigh' hain ke inky pas sirf yahi kam rah gaya hy? 

zehni masail ke hawalay se kisi' Amel ' ke paas jane mein bhi acha khasa kharch ajata hai, yani yeh bhi koi aasaan aur sasta amal nahi hai, is par bhi itnay hi rupay lag jatay hain, jitne kisi qualified psychiatrist ky pass surf  hoty hain.

 

Lekin yeh hamari  'Tohm parasti' hi hai, jo hamein doctor ki nisbat kisi Amel ke paas le jati hai.

 Yahan  hamara waqt, paisa, sehat, izzat sab barbaad ho jata hai, magar masla phir bhi hal nahi hota, balkay yeh mazeed kharabi ki taraf hi barhta chala jata hai .

Yeh sirf tohm parasti nahi, balkay hamari zehni khlfshar, fikri bohraan, aur Adam tahaffuz ke ehsas ka saboot bhi hai aur is ka shikaar sab se ziyada hamari aurat hai, kyun ke kisi ko pasand karne, mann chahi shadi, apna ghr totnay se bachanay, waris na day sakny ky jurm main husbend ke  dosri shadi rukvany tk sary mamlat main sirf orat ko he smjohta krna hota hy. 

Yeh sirf un parh aurat ka masla nahi, balkay bohat si parhi likhi khawateen bhi is' marz' mein mubtala hain aur jahalat ka yeh safar kisi jagah rukta howa mehsoos nahi hota .

Baaz EXPERT ke bakol sanaf e naazuk ki ise kefiyat ki aik wajah inhen zindagi mein nazar andaz keya jana bhi hota hai, isi liye shayad aap ne bhi ghhor kya ho ke jin khandano mein sehat mand sargarmia aur acha mahol mojood ho, jahan baat karne se pehlay baat suni bhi jati ho, samjhi bhi jati ho, wahan par kabhi suneney mein nahi aaya ke kisi aurat par 

asaib ka saya ho gaya ho .

Yah  ghutan zada aur jahalat ke sayay mein parwan charhtay rawaiyon ko sahte sahte jab aik khatoon ya larki ankhen ghuma kar mardana aawaz mein bolti hai to samnay walon ko –apne rad-e-amal se khauf zada aur jhuka hwa paati hai, is waqt jab is ke hukum ki bjaaavri ki jati hai, tou usay lashahori tor pr aik tahaffuz ka ehsas hota hai. usay lagta hai ke is ki is shakhsiyat ko nah sirf tasleem kya ja raha hai, balkay is ki anay wali zindagi ki baqa bhi isi mein hai, lekin kya  is terhan se ghar ka sukoon daimi tor par haasil kya ja sakta hai ?

kya is terhan se khandan ke afraad ke darmiyan faaslay kam kiye ja satke hain? har gaz nahi, kyun ke nuqsaan jald ya Badeer aurat ka hi hota hai, kyun ke aisi khawateen ko ziyada der tak bardasht kya jata hai nah un ke sath raha jata hai .

doosri taraf is ki intehai soorat hoti hai, jab woh kisi zehni aarzy ke inteha pr hon, jis mein woh khud ko ya doosron ko nuqsaan pehchane ka irtikaab karne lagey, jisay dekh kar yeh samjha jata hai ke is par koi jin aa gaya hai, lekin sawal yeh hai ke foran yeh kyun tasleem kar liya jata hai ke larki par jin ya asaib ka saya hai?

 kya usay zehni bemari nahi ho sakti? 

Aysi condition main ilaaj ke liye sanjeeda tor par koshish nahi ki jani chahiye? 

kya usay band kamray mein Amel ke hawalay kar dena durust amal hai ?

deegar zehni bimarion ki terhan' Schizophrenia ya' Hysteria ko bemari samajh kar is ka bar_waqat ilaaj krvany mein sanjeeda paish Raft kyun nahi ke jati ?

zehni bimaroon ke liye hum sarrak pr kholi gaye dokano mein baithy hue in naam Nihaad aamlon par hi kyun itna bhrosa kar jatay hain ke be thaasha paisay ke zeyaa ke baad bhi yeh nahi samajte ke yeh shobdy baazi ke siwa kuch bhi nahi .

aam tor par family member in ki alamaat se nato waaqif hotay hain aur nah hi usay mantay hain, aur bad qismati se is tareeqa ilaaj se mutmaen bhi nahi hotay, kyun ke hum mein se har koi –apne mareez ko jald sehat yab hota dekhna chahta hai, lekin baaz paicheeda aur puranay marz ke ilaaj mein saloon bhi lag satke hain jis ke liye mariza ke ghar walay zehni tor par tayyar nahi hotay aur' short kat' ikhtiyar karne ki koshish karte hain, jis mein un ke mareez ke liye sirf barbadi hoti hai .

yeh woh zehni bemariyan hain jin ka ilaaj kisi dimaghi amraaz ke maahir doctor ke paas bar waqat le jane se hi hal ho sakti hain, lekin bad qismati se jab tak hamein yeh baat samajh mein aati hai is waqt tak bohat der ho chuki hoti hai